Astanada dunyodagi eng yirik sunʼiy intellekt kino festivali yakunlandi: Bosh sovrin Latviyaga
125 davlatdan 8 067 ta ariza kelgan festivalning $450 ming Bosh sovrini latviyalik Nikolay Shestakning «The First Honest Day» filmiga berildi.
Qozogʻiston poytaxti Astanada birinchi marta oʻtkazilgan Astana AI Film Festival yakunlandi. Tashkilotchilar uni «dunyodagi eng yirik AI-generatsiya qilingan kino tanlovi» deb taʼriflashdi. Festivalga 125 davlatdan 8 067 ta ariza kelib tushdi, 25 ta film finalga chiqdi.
Gʻoliblar
Bosh sovrin — $450 000 (201,5 mln tenge) — latviyalik rejissor Nikolay Shestakning «The First Honest Day» filmiga berildi. Ikkinchi oʻrinni Hindistonning «SITARA» filmi ($200 000), uchinchi oʻrinni Ispaniyaning «Looking For Perseida» filmi ($100 000) egalladi. Eng yaxshi personaj uchun maxsus mukofot qozogʻistonlik Myrzakhan Zhumakhanning «It Was Just a Joke» filmiga berildi.
Jyuri va fond
Festival finalchilarini xalqaro jyuri baholadi; uning tarkibida sobiq YUNESKO bosh direktori Audrey Azoulay va investor Balaji Srinivasan bor edi. Umumiy sovrin va qoʻllab-quvvatlash fondi $2 mln (895,5 mln tenge)ni tashkil etdi: yarmi mukofotlarga, qolgan qismi istiqbolli AI jamoalarini qoʻllab-quvvatlash va Qozogʻistonda kino ishlab chiqarishni rivojlantirishga yoʻnaltirildi.
